Sanggyaning ngaurip satuhu
wus tinamtu keh luput yekti
apuran ingapuran samya
weh aksami marang sasama
sedulur akur tangga makmur
kabeh nyumadulur mratani
wiwit cilik ageng sanyata
enom tuwa tan ana beda
kang adoh tansaya anglulut
teges cedhak sajuga rasa
balik kang cedhak saya cerak
manunggal rasa cipta karya
ngancik ing wulan Syawal iku
werdine tumuju mring luwih
bangkit sakabehing pakaryan
mundhak katimbang mangsa lawas
becik bebarengan memayu
amemangun mangulir budi
utamane iku den puja
satemah tekan kang sinedya
aywa pisan lirwa ing wengku
wengkoning urip donya-akhir
iku sinebat wong piguna
kang eling waspadeng lampahnya
I am really thankful to this topic because it really gives great information `-”